 |
| Quid-e-Azam News Prank |
Breaking news: PTI kay jalsay kay ikhtitam par achanak mazar-e-qaid se qaid-e-azam bahar nikal aaye, aur imran khan aur PTI ko kamyab jalsay ki mubarakbad di, jis par ek baree tadaad me log ghabra k bhag kharay huye. Kai behosh ho gaye
Ittilat k mutabiq, imran khan ne 25th december, qaid-e-azam ki yom-e-paidaish k din ki munasibat se jalsay me pahlay Fatiha parhwai, lekin ek bara crowd honay ki wajah se khod mazar pe hazri nahi di, qaid-e-azam ne akhir tak intizar kia magar jab log aakhir me gharon ko janay lagy, to is per qaid-e-azam ko ghussa a gaya, Aur unho ne bahar nikal k publik ko daraya, hagaya, hansaya, aur janay kia kia kiya.
Log is se is qadar khofzada hoye, k jis kay jaha seeng samaye, wo waheen bhag khara hua, naval guards ki sufaid patloonain khof se peeli par gain, khod imran khan ko baree musibat se dhoond k nikala gaya, jo kisi poster ki manind mazar-e-qaid k pachheeswen fawary k daain janib pani me chupay huy thay.
Eik aini shahid ne bataya k us ne aik dhanchay ko dekha jo jinahcap pahnay huye logo k peechy bhag raha tha, tareekh me pahli martaba lakhon ka majma, palak jhapakty hi mazar-e-qaid se bahar aagaya, is saray waqay ka sab se zada faida, baagh-e-Jinah kay mali ko hua, jiski aglay din ki podon ko pani danay ki mahnat bach gai, logon k nikalty hi pooray bagh-e-jinah k boday tar ho gye, is ki wajah khof se logo ka pe shab nikalna bataya jaraha hai.
Bad me navel guards ne baree musibat se qaid-e-azam ko pakar k wapas kia, aur tafteesh ki to pata chala kay iskay peechay zardari, shareef bradraan, aur altaf hussain ka hath he, jinho ne qaid-e-azam ko warghila kay bahar nikala, aur PTI ka jalsa barbad karny ki koshish ki, ab halat under control hain, aur qaid-e-azam phir se apni jagah chaly gye hain.
From: The Desk of Karachi Prank Group
